تابعنا عبر |
|
|
الثائر تقدم لكم تقنية الاستماع الى مقالاتها علّم أي مقطع واستمع إليه
#الثائر
كتب الشاعر " سهيل صقر " يقول:
قبل "الكورونا" كانت تقلّي
مَيِّل يا قبطان الشعر صلّي
وهلق عا شفة تمّها المعزول
مين اللي بدو يمسح العلِّة!؟
معزول تمّ اللي نغرَم بالكاس
وصايم عن الإحساس قالتلي
تمرَّد عا سجّانو بعد ما نباس
وشفاف زهر اللوز ضحكتلي
وشو ذنب تمّ استطعم الأشواق
يا ربنّا ...تا تحرمو النعمةِ
وحياة دين الحب والعشاق
عزل المشاعر ما إلو طعمةِ
انشالله الكورونا يختفي والموت
ما يقرّب عْلَ شفاف مفتونةِ
بشاعر عا لون قصايدو والصوت
وعيت الآخ بروح.... مدفونةِ
رح زورها نظليت يا سرساب
من شفّة/ت الإلهام تحرمني
ويا فيروس لْمالك قلب وحْباب
لا تفَكّر السرساب .....كَمّمني
شاعر أنا عم سكّن الأوجاع
بْ جنون إحساسي وبِ أقلامي
صوتي الدوا عا منبر الإبداع
تختي القصيدة والوفا حرامي
ولولا عَداها ...بلمستو البيّاع
وشفافها تغطّوا ....بِ كمّامةِ
من لهفتي بعصُر مصل منّاع
وتا التمّ يشفى من كورونا العصر
بسقي شفافو دموع إلهامي