تابعنا عبر |
|
|
الثائر تقدم لكم تقنية الاستماع الى مقالاتها علّم أي مقطع واستمع إليه
#الثائر
غرّد قبل يومين المخرج شربل خليل عبر حسابه الخاصّ على "تويتر": "بدنا نحاسب: أنتم المجموعة الوحيدة التي لا يمكننا أن نقول لأعضائها طلعت ريحتكم"، فردّ عليه الناشط في في الحراك المدني أسعد ذبيان على حسابه اليوم: "صحيح! لأن انت فيك توزع شهادات حسن سلوك واستقلالية؟ تاني مرة بتعمل سكتش عن شي بعبع شوف مين بيوقف معك".
فجاء الردّ من خليل: "أنا عم وزّع رأيي. إذا زعجك بتكون المسلّة تحت باطك. وما بدّي توقف حدّي إذا وقفتك ع شكل وقفاتك اللي شفناها بالشارع"، فأجابه ذبيان: "لا يا شربل. المشكلة باللي مش عاجبه شعار كلن يعني كلن، وبيرجع بيسأل وين المشكلة؟ بفتخر اني وقفت لحقوق الكل دون تفرقة وطائفية"، فردّ خليل في تغريدة أخرى: "بدنا نحاسب برأيي الشخصي إداءها كتير منيح، فرجعت إدعمها. ليش إنت زعلان؟ ما فهمت"، مما استدعى ذبيان بالردّ بهذه التغريدة: "انا مش زعلان.. بالعكس انا ضد وضع اسفين بين المجموعات.. وضد التفرقة بين المجموعات.. وضد ذم البعض وانت مش شايف شغلهم وتعبهم".
وقال المخرج خليل: "شايف كل شي وبتابع أبسط التفاصيل، وإذا مدحت مجموعة ليش باقي المجموعات بدّا تعتبر هالشي "دقّ اسفين"؟ هلقد النوايا بين بعضكن عاطلة؟"، فأجابه أسعد ذبيان: "لا انت اللي عم تقول انتوا المجموعة الوحيدة اللي ما طلعت ريحتكم. عم تربط مدحك بذم الآخرين وهيدا الخطأ يا عزيزي".