| تابعنا عبر |
|
 |
الثائر تقدم لكم تقنية الاستماع الى مقالاتها علّم أي مقطع واستمع إليه
#الثائر
رسالة المناصرين -
اليوم، ونحن نتذكّر رفيق الحريري، نتذكّر معه الرجل الذي عمّر الحجر وبنى البشر، الذي جعلنا نشعر إنّ لبنان له محلّ على خارطة العالم.
وباللبناني اقول: هذا الوجع يلي جوّاتك، نحن حاسين فيه، لأنو الحلم اللي انقتل بـ 14 شباط كان حلمنا كلنا.
بصفتي واحد من هالناس اللي مشيوا معك بالمرّ قبل الحلو، وبقناعة إنّك بتمثّلنا وبتشبهنا، بدي قلك كلمتين من القلب، مثل خي لخيّو:
رسالة من ابن طريق الجديدة وعكار والمنية وصيدا والاقليم وعرسال:
الغياب أصدق من الحضور الباهت: قرارك بالاعتكاف كان صدمة، بس مع الوقت فهمنا إنّو "البيت" بحاجة لترميم من جوا. ما ترجع لمجرّد التواجد بالسلطة؛ ارجع لمّا تحسّ إنّك قادر تفرض كرامة هيدي الطائفة وكرامة لبنان مثل ما كان يعمل الشهيد.
الناس أوفى من "المستشارين": ، واللي خذلوك كانوا كثار، واللي استغلوا اسمك واسم الوالد ليجمعوا ثروات ومناصب كانوا أقرب الناس إلك. نصيحتي إلك: غربل الدائرة اللي حولك. السنّة بلبنان مش بحاجة لوسطاء، بحاجة لزعيم يرجع ينزل عالأرض ويسمع وجع الناس اللي ما تركتك بالساحات.
الاعتدال مش ضعف، بس بدو أنياب: نحن معك بالاعتدال وبحماية السلم الأهلي، هيدا مذهبنا. بس الاعتدال بدو قوة تحميه عشان ما يتحول لاستضعاف. الطائفة اليوم حاسة بيتم سياسي؛ ارجع بمشروع وطني يخلّي الكل يعرف إنو "المستقبل" مش مجرد ذكرى، بل هوّي بكرى.
إرث الرفيق أمانة: رفيق الحريري ما تركلك بس قصر وعلاقات دولية، تركلك ناس مستعدة تمشي وراك للموت إذا حست إنك حامل همّها بصدق. التفت للمؤسسات اللي كانت تخدم الفقير والعلم، هيّي هيدي اللي بتبني الزعامة الحقيقية.
يا شيخ سعد، الدني عم تتغيّر والمنطقة عم تغلي، ونحن ناطرينك ترجع، بس ترجع "حريري" اللي بيعرف يضرب عالطاولة لما يندق بكرامة أهله، واللي بيمد إيد العمار لما الكل بدو يخرّب.
رحم الله الشهيد، وحماك الله لتبقى ركناً أساسياً لهذا الوطن.
